18

ഹൂ​സ്റ്റ​ൺ: ഫൊ​ക്കാ​ന ഹൂ​സ്റ്റ​ൺ റീ​ജി​യ​ൺ മ​ല​യാ​ളി അ​സോ​സി​യേ​ഷ​ൻ ഓ​ഫ് സി​യ​ന്ന​യു​ടെ (എം​എ​എ​സ്) സ​ഹ​ക​ര​ണ​ത്തോ​ടെ സം​ഘ​ടി​പ്പി​ച്ച "സി​നി ഫ്യൂ​ഷ​ൻ 2026' ക​ലാ​വി​രു​ന്ന് സെ​ന്‍റ് ജോ​സ​ഫ് ഹാ​ളി​ൽ വി​പു​ല​മാ​യ ജ​ന​പ​ങ്കാ​ളി​ത്ത​ത്തോ​ടെ​യും ക​ലാ​സ്വാ​ദ​ക​രു​ടെ ആ​വേ​ശ​ക​ര​മാ​യ സാ​ന്നി​ധ്യ​ത്തോ​ടെ​യും അ​ര​ങ്ങേ​റി.

സം​ഗീ​ത​വും നൃ​ത്ത​വും വി​നോ​ദ​പ​രി​പാ​ടി​ക​ളും സ​മ​ന്വ​യി​പ്പി​ച്ച പ​രി​പാ​ടി ഹൂ​സ്റ്റ​ൺ മ​ല​യാ​ളി സ​മൂ​ഹ​ത്തി​ന് ശ്ര​ദ്ധേ​യ​മാ​യ സാം​സ്കാ​രി​ക അ​നു​ഭ​വ​മാ​യി മാ​റി. സി​നി ഫ്യൂ​ഷ​നോ​ട​നു​ബ​ന്ധി​ച്ച് ന​ട​ന്ന ഉ​ദ്ഘാ​ട​ന​ച്ച​ട​ങ്ങി​ൽ ഫൊ​ക്കാ​ന റീ​ജി​യ​ണ​ൽ ആ​ർവിപി ഫാ​ൻ​സി​മോ​ൾ പ​ള്ള​ത്തു​മ​ഠം സ്വാ​ഗ​ത​പ്ര​സം​ഗം ന​ട​ത്തി.

ഫൊ​ക്കാ​ന പ്ര​സി​ഡന്‍റ് ഡോ.​സ​ജി​മോ​ൻ ആ​ന്റ​ണി അ​ധ്യ​ക്ഷ​ത വ​ഹി​ച്ചു. എംഎഎസ് ഡ​യ​റ​ക്ട​ർ ബോ​ർ​ഡ് അം​ഗ​ങ്ങ​ൾ ആ​ശം​സ​ക​ൾ നേ​ർ​ന്നു. ഫൊ​ക്കാ​ന റീ​ജി​യ​ണ​ൽ ക​ൾ​ച്ച​റ​ൽ കോ​ഓർ​ഡി​നേ​റ്റ​ർ വി​നോ​യ് കു​ര്യ​ൻ ന​ന്ദി​പ്ര​സം​ഗം ന​ട​ത്തി.

മ​ല​യാ​ള ച​ല​ച്ചി​ത്ര -​ സം​ഗീ​ത രം​ഗ​ത്തെ പ്ര​മു​ഖ​രാ​യ അ​നു സി​ത്താ​ര, വി​പി​ൻ സേ​വി​യ​ർ,ആ​ര്യ ബ​ഡാ​യി, കൃ​തി​ക, അ​കി​ൽ ക​വ​ല​യൂ​ർ,രാ​ജേ​ഷ് അ​ടി​മാ​ലി ​എ​ന്നി​വ​ർ അ​വ​ത​രി​പ്പി​ച്ച ക​ലാ​പ്ര​ക​ട​ന​ങ്ങ​ൾ പ്രേ​ക്ഷ​ക​രെ ആ​വേ​ശ​ഭ​രി​ത​രാ​ക്കി.